BEYNƏLXALQ COĞRAFIYA OLIMPIADASINA (IGEO) HAZIRLIQ DƏRSLƏRI UĞURLA DAVAM EDIR.

30 ноября 2020
Hər bir fənn üçün müsabiqələr mövcuddur. Bu müsabiqələr əhəmiyyətinə və əhatəsinə görə müxtəlif olur. Hər bir fənnin ən mühüm müsabiqəsi – dünya fənn müsabiqəsidir. Bu həmin fənnin dünya üzrə ən üst səviyyəsi hesab olunur. Hər bir fənn üçün müsabiqələr mövcuddur. Bu müsabiqələr əhəmiyyətinə və əhatəsinə görə müxtəlif olur. Hər bir fənnin ən mühüm müsabiqəsi – dünya fənn müsabiqəsidir. Bu həmin fənnin dünya üzrə ən üst səviyyəsi hesab olunur. Bu məntiqlə hər bir fənnin ən üst müsabiqəsi, misal üçün, riyaziyyatdan Beynəlxalq Riyaziyyat Olimpiadası, fizikadan – Beynəlxalq Fizika Olimpiadası, Kimyadan Beynəlxalq Kimya Olimpiadası və digər fənlər də bu şəkildədir. Beynəlxalq dünya fənn müsabiqələri ilə yanaşı bir də regional fənn müsabiqələri də mövcuddur. Hər bir istedadlı şagirdin belə müsabiqələrdə iştirak edib, biliyini yoxlaması onun ən böyük amalı sayılardı. Belə müsabiqələr bütün dünya ölkələri və təhsilləri tərəfindən böyük rəğbətlə qarşılanır. Bu müsabiqələrin qalibləri müsabiqədən kənar ali təhsil ocaqlarına qəbul edilir və öz ölkələrində böyük rəğbətlə qarşılanır.
         Bizim ölkəmizdə beynəlxalq olimpiadalara hazırlıqlar uğurla həyata keçirilir. Bu fənlərin arasında coğrafiya fənni barədə danışmaq istərdim. Beynəlxalq Coğrafiya Olimpiadasında (iGeo) ilk dəfə 2015-ci ildə müşahidəçi kimi iştirak etmişik. 2016-cı ildə isə ilk dəfə komanda ilə iştirak etdik. Coğrafiyadan ilk beynəlxalq uğurumuz isə 2020-ci ildə oldu. İlk dəfə məktəblilərimizdən Mustafa Bayramlı və Hüseyn Hüseynli Avropa Coğrafiya olimpiadasından ölkəmizə iki bürünc medal gətirmişdilər.
         Beynəlxalq coğrafiya olimpiadasına hazırlıq dərslərini Təhsil nazirliyi maliyyələşdirir. Bu səbəblə hazırlıq dərsləri şagirdlər üçün ödənişsizdir. Hazırlıq dərsləri mövcud şərait ilə əlaqədar onlayn şəkildə teams platforması üzərindən keçirilir (https://teams.microsoft.com/l/team/19%3a6b90527b26124c5689731ae9ba6b5866%40thread.tacv2/conversations?groupId=4159e131-9c37-49ac-8fff-f697648da484&tenantId=14fc0a60-1070-4142-9f31-1b94187a961f).  Dərslər şənbə günləri saat 9:00-11:00 iyul ayınadək davam edəcək. Dərslər beynəlxalq coğrafiya kurikulumuna əsasən Azərbaycan və ingilis dillərində keçirilir. Hazırlıq dərslərinə qatılmaq istəyən, coğrafiyadan xüsusi istedadı ilə seçilən şagirdlər əvvəlcədən qeydiyyat forumunu (https://forms.gle/sxTwzWEEmDgKXhv89) doldurmalıdırlar. Dərslər üçün şagirdlərin teams platformasında virtual.edu.az-dan qeydiyyatdan keçib və @studen.edu.az id-ni əldə etməlidirlər.
         Hazırlıq dərsləri Təhsildə inkişaf və innovasiyalar üzrə IV qrant müsabiqəsinin qalibi olmuş layihə çərçivəsində həyata keçirilir. Layihənin həyata keçirilməsində Azərbaycan Milli Elmlər Akademiyası Coğrafiya İnstitutu, Bakı Dövlət Univetsiteti Coğrafiya Fakültəsi və Fortis Academy-nin (https://www.facebook.com/fortisacademyy/)  böyük dəstəyi var. Məqsəd, coğrafiyadan xüsusi istedadı ilə seçilən şagirdləri aşkar etmək və onları Beynəlxalq Coğrafiya Olimpiadasına (iGeo) və Avropa Coğrafiya olimpiadasına (eGeo) hazırlamaqdır. Hazırlıq dərslərinə qatılan şagirdlərin içərisində ötən illərin Respublika Fənn olimpiadasının qalibləri də var.
Hazırlıqlar ilə bağlı bütün məlumatları rəsmi facebook (https://www.facebook.com/groups/1660060690947078) və instagram (https://www.instagram.com/igeo.az/) üzərindən izləyə bilərsiniz.
Beynəlxalq coğrafiya olimpiadasında iştirak edən şagirdlər 16-19 yaş, Avropa Coğrafiya Olimpiadasında iştirak edən şagirdlər aşağı yaş qrupu üçün 12-15 yaş, yuxarı yaş qrupu üçün isə 16-19 yaş tələb olunur.
 
423
СЛЕДУЙТЕ ЗА НАМИ
КАЛЕНДАРЬ
ГЕОГРАФИЧЕСКИЕ ТЕРМИНЫ
ОТПРАВИТЬ ПРЕДЛОЖЕНИЕ
ПОЗНАЙ АЗЕРБАЙДЖАН

Azerbaijan

  • Coğrafiya və Təbii Resurslar
  • ad
Национальная академия наук Азербайджана Институт Географии Азербайджанская национальная библиотека GoMap National Geographic