AZ
EN
RU
BDU TƏLƏBƏLƏRİ YAY EKSPEDİSİYALARINDA27 İyul 2015
BDU Coğrafiya fakültəsinin tələbə və magistrları Kompyuterlə Coğrafiya Mərkəzinin layihəsi çərçivəsində Milli Park və qoruqlara elmi-praktik ekspedisiyalarını yay aylarında da davam etdirirlər. Bu ekspedisiyalar Coğrafiya fakültəsinin baş müəllimi, Kompüterlə Coğrafiya Mərkəzinin rəhbəri Əlipaşa Nəbiyevin rəhbərliyi və fakültənin 4-cü kurs tələbəsi, Mərkəzin layihələr üzrə koordinatoru Təyyar Səmədzadənin təşkilatçılığı ilə baş tutur. İlk olaraq tələbələr Samur–Yalama Milli Parkında olmuş, parkın işçiləri tərəfindən ərazinin landşaft örtüyü, meşələri haqqında məlumat əldə etmiş, bir sıra ölçü işləri və tədqiqatlar aparmışar. Növbəti elmi-praktiki ekspedisiya Abşeron Milli Parkına təşkil olunmuşdur. Məqsəd ərazinin tədqiqi və oradakı təbii kompleksi təhlil etməkdir. Milli Parkın direktoru Etibar İbrahimov park haqqında ümümi məlumat və tanışlıq verdikdən sonra tələbə və magistrlər Azərbaycan Respublikasının ən ucqar şərq nöqtəsində yerləşən Şah dili (Suiti burnu) ərazisinə səfər etmişlər. Ekspedisiyalar zamanı tələbələr yerindəcə dəyərli məlumatlar əldə edirlər.      19984 |
|
 |
 |
 |
 |
 |