AZ
EN
RU
“AZƏRBAYCAN COĞRAFİYA ELMİNİN İNKİŞAFINDA AKADEMİK B.Ə.BUDAQOVUN ROLU” ADLI YENİ KİTAB ÇAPDAN ÇIXIB
Görkəmli coğrafiyaşünas alim, akademik Budaq Budaqovun 90 illik yubileyi münasibətilə AMEA akademik Həsən Əliyev adına Coğrafiya İnstitutunun “Azərbaycan coğrafiya elminin inkişafında akademik B.Ə.Budaqovun rolu” adlı yeni kitabı çapdan çıxıb. Kitab c.ü.e.d. Hüseyn Xəlilovun redaktorluğu ilə “Təhsil” nəşriyyatında işıq üzü görüb. Coğrafiya İnstitutu Təhsil şöbəsinin böyük elmi işçisi, c.ü.f.d. Flora Məmmədova müəlliminə həsr etdiyi monoqrafiyada akademik B.Ə.Budaqovun elmi yaradıcılığının əsas istiqamətlərini (geomorfologiya, landşaftşünaslıq, qlasiologiya, neotektonika, toponimika, ekologiya) geniş təhlil etmiş, onun Azərbaycan elm və təhsilinin inkişafındakı rolunu ilk dəfə kompleks şəkildə araşdıraraq sistemləşdirmişdir. Kitab Yer elmləri sahəsində çalışan mütəxəssislər, tədqiqatçılar, universitetlərin müvafiq fakültələrinin müəllim və tələbələri, ümumiyyətlə, elm tarixi ilə maraqlananlar üçün nəzərdə tutulmuşdur.  18205 |
|
 |
 |
 |
 |
 |