AZ
EN
RU
“QARABAĞ - ZƏFƏRƏ GEDƏN YOL” ADLI ELMİ KONFRANS KEÇİRİLİB31 Avqust 2021
AMEA akademik Həsən Əliyev adına Coğrafiya İnstitutu, Azərbaycan Dövlət Pedaqoji Universitetinin Quba filialı, AR Silahlı Qüvvələrinin Hərbi Akademiyası, Naxçıvan Müəllimlər İnstitutu və “Elger” Beynəlxalq Elm Mərkəzinin təşkilatçılığı ilə İsveçin Qothenburq Universiteti ilə birlikdə “Qarabağ: Zəfərə gedən yol” mövzusunda XVII Beynəlxalq elmi konfrans keçirilib. Konfransa Azərbaycan, Qazaxıstan, Türkiyə, İsveç, Ukrayna və Rusiyadan olmaqla 170-dən çox müraciət daxil olub, 95 məqalə elmi heyət tərəfindən dəyərləndirilərək məruzə üçün qəbul edilib və 8 seksiyada elmin bütün sahələri üzrə müzakirələr aparılıb. Tədbirin təşkilatçıları açılışda məruzələrlə çıxış edərək İkinci Qarabağ müharibəsi, onun siyasi, iqtisadi, sosial, ekoloji problemləri və perspektivləri barədə qısa məlumat veriblər. Coğrafiya İnstitutunun baş direktoru, c.e.d., dosent. Zakir Eminov məruzəsini Qarabağın müasir demoqrafik vəziyyəti və gələcəkdə gözlənilən nəticələrə həsr edib. Konfransın yer elmləri və coğrafiya bölməsinə həsr olunmuş və moderatoru Coğrafiya İnstitutunun şöbə müdiri, c.ü.f.d., dos. Zaur İmrani olan 7-ci seksiyada İnstitut alimlərindən, şöbə müdirləri olan dosentlər, c.e.d. Nəriman Paşayev, c.ü.f.d. Mirnuh İsmayılov və c.ü.f.d. Sevil Quliyeva, c.ü.f.doktorları Sima Əliyeva, Kəmalə Zeynalova və institutun digər əməkdaşları çıxış edib.
 3338 |
|
 |
 |
 |
 |
 |