COĞRAFİYAÇI ALİMLƏR BEYNƏLXALQ KONFRANSDA EKOLOJİ VƏZİYYƏTİ MÜZAKİRƏ EDİBLƏR

22 Noyabr 2021

Сoğrafiya üzrə fəlsəfə doktorları  Elina Kərimova, Zaur İmrani,Natəvan Cəfərova,  Bəyimxanım Hüseynova, Elnarə İsmayılova və doktorant Gülər Hidayətli Gürcüstanın Tbilisi şəhərində “Gürcüstan və Azərbaycan - Cənubi Qafqazda ekoloji sülhün qurulması üzrə elmi coğrafi tədqiqatlarda potensialın gücləndirilməsi”  (Capacity Building in Geoscientific Research on Environmental Peacebuilding in the Southern Caucasus - Georgia and Azerbaijan)  mövzusunda hibrid (həm əyani, həm də onlayn formatda) beynəlxalq konfransda iştirak edib.

Konfrans Almaniyanın Yustus Libix adına Qissen Universitetinin Coğrafiya şöbəsi, İ. Cavaxişvili adına Tbilisi Dövlət Universiteti nəzdində V. Baqrationi adına Coğrafiya İnstitutu və AMEA akademik H.Ə. Əliyev adına Coğrafiya İnstitutunun birgə təşkilatçılığı ilə keçirilib.

Konfransda coğrafiyada “Ekoloji sülh quruculuğu” (çox vaxt “Ekoloji sülhməramlılıq” da deyilir) kimi aktual sahə üzrə geniş spektrli məsələlər müzakirə olunub. Həmin istiqamətin məramı ətraf mühitin mühafizəsi üçün dinc münasibətli ölkələr, eləcə də münaqişəli münasibətdə olan ölkələr arasında əməkdaşlığa nail olmaqdan ibarətdir.

N.Cəfərova “Transsərhəd ərazilərdə təbii ehtiyatların idarə edilməsi problemləri”, B.Hüseynova “Qarabağ bölgəsində çay ehtiyatlarının ekoloji vəziyyətindəki dəyişikliklər”, G.Hidayətli “Samur çayının ekoloji vəziyyəti və onun rayonun sosial-iqtisadi inkişafına təsiri”, E.İsmayılova “Göygöl Milli Parkının ekoturizm potensialı” mövzusunda konfransda məruzə ilə çıxış edib. Konfransda fəallıq göstərən bütün əməkdaşlar iştirakçıların verdiyi sualları qənaətbəxş cavablandırıblar. 

                   

                  

                  

                 

                 

3493
BİZİ İZLƏ
TƏQVİM
COĞRAFİ TERMİNLƏR
TƏKLİF GÖNDƏRİN
AZƏRBAYCANI TANI

Azerbaijan

  • Coğrafiya və Təbii Resurslar
  • Reklam
Azərbaycan Milli Elmlər Akademiyası Coğrafiya institutu Azərbaycan Milli Kitabxanası GoMap National Geographic